കുന്നംകുളത്ത് ബസിടിച്ച്  യുവാവിന് ദാരുണന്ത്യം

കുന്നംകുളം: പാറേമ്പാടം താഴത്തെ പെട്രോൾ പമ്പിന് സമീപം തലയിലൂടെ ബസ് കയറിയിറങ്ങി പെരുമ്പിലാവ് കരിക്കാട് സ്വദേശിയായ യുവാവിന് ദാരുണാന്ത്യം. പെരുമ്പിലാവ് കരിക്കാട് സ്വദേശി തവളത്തിൽ വീട്ടിൽ ഷാനിൽ (45) ആണ് മരിച്ചത്. ഇന്ന് വൈകിട്ട് മൂന്നുമണിയോടെയാണ് അപകടം. പെരുമ്പിലാവ് ഭാഗത്തുനിന്നും കുന്നംകുളം ഭാഗത്തേക്ക് വരികയായിരുന്ന കുന്നംകുളം ഷൊർണൂർ റൂട്ടിൽ സർവീസ് നടത്തുന്ന കല്ലായിൽ ബസ് അമിതവേഗതയിലെത്തി മുൻപിൽ സ്കൂട്ടറിൽ പോവുകയായിരുന്നു ഷാനിലിനെ നിയന്ത്രണം വിട്ട് ഇടിക്കുകയും ഇടിയുടെ ആഘാതത്തിൽ റോഡിലേക്ക് വീണ  യുവാവിന്റെ തലയിലൂടെ ബസ്സിന്റെ ചക്രം കയറിയിറങ്ങുകയായിരുന്നെന്ന് ദൃക്സാക്ഷികൾ പറഞ്ഞു. ബസിന്റെ അമിത വേഗതയാണ് അപകടത്തിന് കാരണമെന്നാണ് മറ്റു വാഹന യാത്രക്കാർ പറയുന്നത്. അപകടത്തെ തുടർന്ന് സ്ഥലത്തെത്തിയ കുന്നംകുളം ആക്സ് ആംബുലൻസ് പ്രവർത്തകർ യുവാവിനെ കുന്നംകുളം താലൂക്ക് ആശുപത്രിയിൽ പ്രവേശിപ്പിച്ചെങ്കിലും മരണപ്പെട്ടിരുന്നു.സംഭവത്തെ  തുടർന്ന് മേഖലയിൽ ഏറെനേരം ഗതാഗതം തടസ്സപ്പെട്ടു. കുന്നംകുളം പോലീസ് സ്ഥലത്തെത്തി ഗതാഗതം നിയന്ത്രിച്ചു.