പഞ്ചവടിയിൽ പിതൃബലി തർപ്പണത്തിന് ആയിരങ്ങളെത്തി

ചാവക്കാട്:പഞ്ചവടി ശ്രീശങ്കരനാരായണ ക്ഷേത്രത്തിൽ അമാവാസിയോടനുബന്ധിച്ചുള്ള തുലാമാസ വാവുബലി തർപ്പണത്തിന് ആയിരങ്ങളെത്തി.പുലർച്ചെ രണ്ടര മണി മുതൽ പഞ്ചവടി കടപ്പുറത്ത് ബലിതര്‍പ്പണ ചടങ്ങുകള്‍ ആരംഭിച്ചു.ക്ഷേത്രം മേല്‍ശാന്തി സുമേഷ്,ഷൈന്‍ എന്നിവര്‍ ബലിയിടല്‍ ചടങ്ങുകള്‍ക്ക് നേതൃത്വം നല്‍കി.കടപ്പുറത്ത് പ്രത്യേകം തയ്യാറാക്കിയ യജ്ഞ ശാലയില്‍ ആയിരം പേർക്ക് ഒരുമിച്ചിരുന്ന് ബലിയിടാൻ കഴിയുന്ന പന്തലാണ് ഒരുക്കിയിരുന്നത്.ജില്ലക്ക് പുറത്ത് നിന്നുമെത്തിയ ഭക്തർക്ക് താമസവും,ഭക്ഷണവും ഉൾപ്പടെ സജ്ജീകരിച്ചിരുന്നു.വാഹനങ്ങൾ പാർക്ക് ചെയ്യുന്നതിനും,സൗകര്യം ഒരുക്കി.കുളിക്കാനുള്ള കുളവും,ഷവർബാത്ത്‌ ഉൾപ്പടെയുള്ള സംവിധാനവും ഉണ്ടായി.ക്യൂ നിയന്ത്രിക്കുന്നതിന് ബാരിക്കേഡുകളും സ്ഥാപിച്ചിരുന്നു.ക്ഷേത്രകമ്മിറ്റി പ്രസിഡന്റ് ദിലീപ്കുമാര്‍ പാലപ്പെട്ടി,സെക്രട്ടറി വിനയദാസ് താമരശ്ശേരി,ട്രഷറര്‍ വിക്രമൻ താമരശ്ശേരി തുടങ്ങിയവര്‍ നേതൃത്വം നൽകി.