പുന്നയൂർ പഞ്ചായത്തിൽ കെ സ്റ്റോർ പ്രവർത്തനം ആരംഭിച്ചു

പുന്നയൂർ :ഗ്രാമപഞ്ചായത്തിൽ കെ സ്റ്റോർ പ്രവർത്തനം ആരംഭിച്ചു.സംസ്ഥാനത്തെ എല്ലാ റേഷൻ കടകളിലൂടെയും ഭക്ഷ്യധാന്യങ്ങൾ വിതരണം ചെയ്ത് പൊതു മാർക്കറ്റിലെ വിലക്കയറ്റം നിയന്ത്രിക്കുക എന്ന ലക്ഷ്യത്തോടെ സംസ്ഥാന ഗവൺമെന്റ് നടപ്പാക്കിവരുന്ന കെ സ്റ്റോർ പദ്ധതിയാണ് പുന്നയൂർ ഗ്രാമ പഞ്ചായത്തിലെ 230-ാം നമ്പർ റേഷൻ കടയിൽ പ്രവർത്തനമാരംഭിച്ചത്.പുന്നയൂർ ഗ്രാമപഞ്ചായത്ത് പ്രസിഡണ്ട് ടി.വി സുരേന്ദ്രൻ കെ സ്റ്റോറിന്റെ ഉദ്ഘാടനം നിർവഹിച്ചു.ഗ്രാമപഞ്ചായത്ത് മെമ്പർ എ.സി.ബാലകൃഷ്ണൻ,റേഷനിങ് ഇൻസ്പെക്ടർ കെ.എൻ.ബിനി,റേഷൻ കട ലൈസൻസി ശാന്തിനി രവീന്ദ്രൻ, പൊതുപ്രവർത്തകരായ
ടി.എം.വിക്രമൻ,പി.സി ഹൈദ്രോസ്, ബാനിഷ് എന്നിവർ പങ്കെടുത്തു.