തൊഴിയൂരിൽ മദ്രസ്സ അദ്ധ്യാപകന്റെ ബൈക്ക് മോഷ്ടിച്ച യുവാവ് അറസ്റ്റിൽ

ഗുരുവായൂർ:തൊഴിയൂർ മദ്രസ അധ്യാപകന്റെ ബൈക്ക് മോഷ്ടിച്ച് നമ്പർ പ്ലേറ്റ് മാറ്റി ഉപയോഗിച്ചുവന്നിരുന്ന യുവാവിനെ ഗുരുവായൂർ പോലീസ് അറസ്റ്റ് ചെയ്തു. മന്നലാംകുന്ന്  അൽ അമീൻ റോഡിൽ താമസിക്കുന്ന വാഴപ്പള്ളി വീട്ടിൽ കമറുദ്ദീൻ മകൻ നബീൽ( 25) നെയാണ് ഗുരുവായൂർ ഇൻസ്പെക്ടർ എസ് എച്ച് ഒ ജിൻസൺ ഡോമിനിക്കിന്റെ നേതൃത്വത്തിൽ സബ്ഇൻസ്പെക്ടർ മഹേഷും സംഘവും അറസ്റ്റ് ചെയ്തത്. കഴിഞ്ഞ ജൂൺ 26ന്  പുലർച്ചെ 6 മണിക്ക് തൊഴിയൂർ മദ്രസയ്ക്ക് മുൻവശത്ത് പാർക്ക് ചെയ്തിരുന്ന മലപ്പുറം സ്വദേശിയായ മദ്രസ അധ്യാപകന്റെ ബൈക്ക് മോഷ്ടാവ് എടുത്ത് കൊണ്ട് പോകുകയായിരുന്നു. തുടർന്ന് 45 ഓളം സിസിടിവി ക്യാമറകളും മറ്റും കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെ മംഗലാംകുന്നുള്ള വീട്ടിൽ നിന്നും അറസ്റ്റ് ചെയ്തത്. അന്വേഷണ സംഘത്തിൽ എ എസ് ഐ വിപിൻ,സീനിയർ സിവിൽ പോലീസ് ഓഫീസർ കൃഷ്ണപ്രസാദ് , സിവിൽ പോലീസ് ഓഫീസർ ജോസ് പോൾ എന്നിവരും ഉണ്ടായിരുന്നു. കോടതിയിൽ ഹാജരാക്കിയ പ്രതിയെ റിമാൻ്റ് ചെയ്തു