കേച്ചേരിയിൽ ശബരിമല തീർത്ഥാടകർ സഞ്ചരിച്ച ബസിന് പുറകിൽ സ്വകാര്യ ബസ് ഇടിച്ച് അപകടം

കേച്ചേരി: മഴുവൻഞ്ചേരിയിൽ ശബരിമല തീർത്ഥാടകർ സഞ്ചരിച്ച ബസിനു പുറകിൽ സ്വകാര്യ ബസ്സിടിച്ച് അപകടം. അപകടത്തിൽ ആർക്കും പരിക്കില്ല. ഇന്ന് പകൽ 11 മണിയോടെയാണ് അപകടം. കുന്നംകുളം ഭാഗത്തുനിന്നും തൃശൂർ ഭാഗത്തേക്ക് പോവുകയായിരുന്ന ശബരിമല തീർത്ഥാടകർ സഞ്ചരിച്ച ബസിന് പുറകിൽ വരികയായിരുന്ന തൃശ്ശൂർ കുന്നംകുളം റൂട്ടിൽ സർവീസ് നടത്തുന്ന പുതുമന ബസ് ഇടിക്കുകയായിരുന്നു.ഇടിയുടെ ആഘാതത്തിൽ തീർത്ഥാടകർ സഞ്ചരിച്ച ബസിന്റെ പുറകുവശവും സ്വകാര്യ ബസിന്റെ മുൻവശവും തകർന്നു.അമിത വേഗതയിൽ എത്തിയ സ്വകാര്യ ബസ് അശ്രദ്ധമായി തങ്ങളുടെ വാഹനത്തിൽ ഇടിക്കുകയായിരുന്നുവെന്ന് തീർത്ഥാടകരായ ഇതര സംസ്ഥാനക്കാർ പറഞ്ഞു.അപകടത്തെ തുടർന്ന് മേഖലയിൽ ഏറെ നേരം ഗതാഗതം തടസ്സപ്പെട്ടു.സംഭവ ശേഷം ശബരിമല തീർത്ഥാടകരും സ്വകാര്യ ബസ് ജീവനക്കാരും തമ്മിൽ വാക്ക് തർക്കവും ഉണ്ടായി. തുടർന്ന് കുന്നംകുളം സബ്ഇൻസ്പെക്ടർ ജ്യോതിസിന്റെ നേതൃത്വത്തിലുള്ള പോലീസ് സ്ഥലത്ത് എത്തിയാണ് രംഗം ശാന്തമാക്കിയത്.