വാഹനാപകടത്തിൽ ആനയുടെ കൊമ്പ് അറ്റുപോയി;കുളക്കാടൻ കുട്ടികൃഷ്ണൻ എന്ന കൊമ്പനാണ് പരിക്കേറ്റത്

ചാവക്കാട്:വാഹനാപകടത്തിൽ ആനയുടെ കൊമ്പ് അറ്റുപോയി. മുത്തകുന്നം പറവൂർ ദേശീയപാതയിൽ അണ്ടികുന്നം കവലയിലായിരുന്നു അപകടം.കുളക്കാടൻ കുട്ടികൃഷ്ണൻ എന്ന ആനയ്ക്കാണ് പരിക്കേറ്റത്.എതിരെ വന്ന ഗ്യാസ് ടാങ്കർ ലോറിയിൽ കൊമ്പ് ഇടിക്കുകയായിരുന്നു. ആനയെ മുവ്വാറ്റുപുഴയിലേക്ക് കൊണ്ടുപോവുകയായിരുന്നു.രക്ത സ്രാവം മൂലം ക്ഷീണിച്ച് അവശനായ ആനയെ ചാവക്കാട് മണത്തലയിലെത്തിച്ച് ചികിത്സ നല്കി വരുന്നു.വിവരമറിഞ്ഞ് സോഷ്യൽ ഫോറസ്റ്റ് റെയ്ഞ്ച് ഓഫീസർ എം കെ രഞ്ജിത്ത്, എസ് എഫ് ഒ ഗ്രേഡ് എം.ഡി അനിൽ എന്നിവർ ചാവക്കാട് മണത്തലയിൽ എത്തി വിവരങ്ങൾ ശേഖരിച്ചു.ഇന്ന് പുലർച്ചയോടെയാണ് അപകടം.സംഭവം ശ്രദ്ധയിൽ പെട്ടിട്ടും ഇടിച്ച ടാങ്കർ ലോറി നിർത്താതെ പോയി.വേദന കൊണ്ട് പുളഞ്ഞ ആനയ്ക്ക് തൃശൂരിൽ നിന്നുള്ള ഡോക്ടർമാർ എത്തിയാണ് പ്രാഥമിക ശുശ്രുഷ നൽകിയത്.