വീടിന് മുകളിൽ കഞ്ചാവ് ചെടി നട്ടുവളർത്തി; യുവാവ് അറസ്റ്റിൽ

വാടാനപ്പള്ളി :ചേറ്റുവയിൽ വീടിൻ്റെ ടെറസിന് മുകളിൽ ചെടിച്ചട്ടിയിൽ കഞ്ചാവ് ചെടി നട്ടു വളർത്തിയ യുവാവ് അറസ്റ്റിൽ .ചേറ്റുവ ജാറത്തിനു കിഴക്കുഭാഗത്ത് താമസിക്കുന്ന പെരിങ്ങാട്ട് വീട്ടിൽ ധനീഷ്( ചക്കര (22) നെയാണ് തൃശൂർ റൂറൽ ജില്ലാ പോലീസ് മേധാവിക്ക് ലഭിച്ച രഹസ്യ വിവരത്തെ തുടർന്ന് കൊടുങ്ങല്ലൂർ ഡി.വൈ.എസ്.പി സന്തോഷ് കുമാറിന്റെ നിർദ്ദേശത്തെ തുടർന്ന് വാടാനപ്പള്ളി ഇൻസ്പെക്ടർ ബി.എസ് ബിനു ,എസ് ഐ റഫീഖ്,സ്പെഷ്യൽ ബ്രാഞ്ച് പോലീസ് ഉദ്യോഗസ്ഥൻ എൻ.ആർ സുനീഷ് ,വനിത സിപിഒ സുമി ,സി പി ഒ ഷിജിത്ത് എന്നിവർ നടത്തിയ പരിശോധനയിലാണ് വീടിൻ്റെ മുകളിൽ ടെറസിൽ ചെടിച്ചട്ടിയിൽ വളർത്തിയ രണ്ട് കഞ്ചാവ് ചെടികൾ കണ്ടെടുത്തത്. തീരദേശ മേഖലയിലെ ലഹരി വില്പനക്കാർക്കെതിരെ വരും ദിവസങ്ങളിലും കൂടുതൽ റെയ്ഡുകൾ ഉണ്ടാകുമെന്ന് പോലീസ് അറിയിച്ചു.