അണ്ടത്തോട് ചന്ദനക്കുടം നേർച്ചക്ക് തുടക്കമായി.

പുന്നയൂർക്കുളം:അണ്ടത്തോട് ദർഗ്ഗാ ശരീഫിൽ അന്ത്യവിശ്രമം കൊള്ളുന്ന അശ്ശൈഖ് ഹയാത്തുൽ ഔലിയായുടെ പേരിൽ ജാതിമത ഭേദമന്യേ ആഘോഷിച്ചു വരാറുള്ള ചന്ദനക്കുടം നേർച്ച തുടങ്ങി. രണ്ട് ദിവസങ്ങളിലായ് നടന്ന ആഘോഷത്തിൽ ആദ്യ കാഴ്ച അണ്ടത്തോട് ബീച്ച് ചാലിൽ സുലൈമാൻ്റെ വസതിയിൽ നിന്ന് ജാറത്തിലെത്തി കൊടിയേറ്റവും സമൂഹ സിയാറത്തും നടത്തി.മുഹമ്മദ് മുസ് ലി യാർ പട്ടിക്കാട് സിയാറത്തിന് നേതൃത്വം നൽകി.ആറ്റുണിതങ്ങൾ ഉള്ളാളം, നേർച്ചാ ഘോഷ കമ്മറ്റി ചെയർമാൻ ഇസ്ഹാഖ്ചാലിൽ, വൈസ് ചെയർമാൻ വി.ഷാജഹാൻ, കൺവീനർ സുഹൈൽ അബ്ദുള്ള, ജോയിൻ്റ് കൺവീനർ മുഹമ്മദ് അമീൻ, ട്രഷറർ കെ.അലി, മുഹമ്മദാലി മടപ്പൻ, ഷിഹാബ്, തുടങ്ങിയവർ നേർച്ചാ ഘോഷ പരിപാടിക്ക് നേതൃത്വം നൽകി.ക്ലബ്ബുകളുടെയും, സംഘടനകളുടെയും നേതൃത്വത്തിൽ 13 ഓളം കാഴ്ചകൾ ജാറത്തിലെത്തും. നേർച്ചാ ഘോഷ സുരക്ഷക്ക് വടക്കെക്കാട് പോലീസ് എസ് എച്ച് ഒ ബിജുവിൻ്റെ നേതൃത്വത്തിൽ ശക്തമായ പോലീസ് സംഘം സ്ഥലത്ത് ക്യാമ്പ് ചെയ്യുന്നുണ്ട്.