പുന്നയൂരിൽ അങ്കണവാടിക്ക് സൗജന്യമായി ഭൂമി നൽകി

പുന്നയൂർ: ഗ്രാമപഞ്ചായത്തിൽ പതിമൂന്നാം വാർഡിലെ 61-ാം നമ്പർ
അങ്കണവാടിക്ക് സൗജന്യമായി സ്ഥലം ലഭിച്ചു.പഞ്ചവടി സ്വദേശി പൊട്ടത്ത് പറമ്പിൽ രാജീവാണ് മൂന്ന് സെൻ്റ് ഭൂമി സൗജന്യ മായി നല്കിയത്. രാജീവും ഭാര്യ മിനിയും ചേർന്ന് 3 സെന്റ് ഭൂമിയുടെ ആധാരം പഞ്ചായത്ത് പ്രസിഡണ്ട് ടി.വി.സുരേന്ദ്രനെ ഏൽപ്പിച്ചു. ഗ്രാമപഞ്ചായത്ത് അംഗം എ.സി.ബാലകൃഷ്ണൻ, കുടുംബശ്രീ ചെയർപേഴ്സൺ അനിതാ സുരേഷ്, സിപിഐഎം പഞ്ചവടി സൗത്ത് ബ്രാഞ്ച് സെക്രട്ടറി ടി.എം. വിക്രമൻ,അങ്കണവാടി വർക്കർ വി.സി.തങ്കമണി തുടങ്ങിയവർ ചടങ്ങിൽ പങ്കെടുത്തു.