ചാവക്കാട് : കേരള മുസ്ലിം ജമാഅത്ത് സ്റ്റേറ്റ് കമ്മിറ്റി നേതൃത്വം നൽകുന്ന കേരള യാത്രക്ക് ചാവക്കാട് ജനവരി 10 ന് നൽകുന്ന സ്വീകരണ സമ്മേളനത്തിന് വിവിധങ്ങളായ പ്രചരണ പ്രവർത്തനങ്ങൾ റൈഞ്ച് തലത്തിൽ സജീവമാക്കാൻ പ്രവർത്തക സമിതി യോഗം ചേർന്നു.മുഅല്ലിം റാലി, വിദ്യാത്ഥിറാലി , ബൈക്ക് റാലി, സൈക്കിൾ റാലി, കുടുംബ സന്ദർശനം തുടങ്ങിയ പരിപാടികൾക്ക് മദ്റസ അദ്ധ്യാപകരും വിദ്യാർത്ഥികളും നേതൃത്വം നൽകും. റൈഞ്ച് പ്രസിഡന്റ് സയ്യിദ് ഹുസൈൻ സഖാഫിയുടെ അദ്ധ്യക്ഷതയിൽ എസ് എം എ ജില്ലാ സെക്രട്ടറി ആർ വി എം ബശീർ മൗലവി ഉൽഘാടനം ചെയ്തു. ചാവക്കാട് സോൺ വൈ പ്രസിഡന്റ് വട്ടേക്കാട് ഹൈദ്രോസ് കോയ തങ്ങൾ വിഷയാവതരണം നടത്തി.സി എച്ച് ബഷീർ, പി ഹംസ, അബൂബക്കർ ,അബ്ദുൾ കരീം അസ്ലമി എന്നിവർ സംസാരിച്ചു.
എസ് ജെ എം കേരള യാത്രക്ക് ജനു. 10 ന് ചാവക്കാട് സ്വീകരണം
