പോലീസ് ഉദ്യോഗസ്ഥൻ ചമഞ്ഞ് ബൈക്ക് കവർന്ന പ്രതി പിടിയിൽ

കുന്നംകുളം: പോലീസ് ഉദ്യോഗസ്ഥൻ ചമഞ്ഞ് ബൈക്ക് കവർന്ന സംഭവത്തിൽ പ്രതിയെ കുന്നംകുളം പോലീസ് അറസ്റ്റ് ചെയ്തു. തളിക്കുളം കച്ചേരിപ്പടി കാളാനി വീട്ടിൽ പ്രണവ് ദീപിനെയാണ് കുന്നംകുളം സ്റ്റേഷൻ ഹൗസ് ഓഫീസർ യു കെ ഷാജഹാന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്. കഴിഞ്ഞ ഒക്ടോബർ പന്ത്രണ്ടാം തീയതി രാത്രി ഒരു മണിയോടെ പെരുമ്പിലാവ് സ്വദേശി കൃഷ്ണകുമാറിന്റെ ഉടമസ്ഥതയിലുള്ള ബൈക്കാണ് പ്രതി കവർന്നത്.