ഡ്രൈവേഴ്സ് യൂണിയൻ കുന്നംകുളത്ത് ആഹ്ലാദ പ്രകടനം നടത്തി

കുന്നംകുളം: ഡീസൽ ഓട്ടോറിക്ഷകളുടെ കാലാവധി 22 വർഷമായി ഉയർത്തിയ എൽ ഡി എഫ് സർക്കാരിന് അഭിവാദ്യമർപ്പിച്ചുകൊണ്ട് ഓട്ടോ ആൻഡ് ലൈറ്റ് മോട്ടോർ ഡ്രൈവേഴ്സ് യൂണിയൻ കുന്നംകുളം ടൗൺ കമ്മിറ്റിയുടെ നേതൃത്വത്തിൽ കുന്നംകുളം നഗരത്തിൽ ആഹ്ലാദപ്രകടനവും പൊതുയോഗവും നടത്തി. ടി കെ കൃഷ്ണൻ സ്മാരക മന്ദിരത്തിൽ നിന്ന് ആരംഭിച്ച ആഹ്ലാദപ്രകടനം നഗരം ചുറ്റി പഴയ ബസ് സ്റ്റാൻഡിന് സമീപത്തെ ടാക്സി പാർക്കിൽ സമാപിച്ചു.തുടർന്ന് നടന്ന പൊതുയോഗം ഓട്ടോ ആൻഡ് ലൈറ്റ് മോട്ടോർ ഡ്രൈവേഴ്സ് യൂണിയൻ സംസ്ഥാന കമ്മിറ്റി അംഗം പി ജി ജയപ്രകാശ് ഉദ്ഘാടനം ചെയ്തു. ടൗൺ കമ്മിറ്റി പ്രസിഡൻ്റ് ടി.എ വേലായുധൻ അധ്യക്ഷത വഹിച്ചു. ജില്ലാ കമ്മിറ്റിയംഗം സി കെ രവി, ടൗൺ കമ്മിറ്റി സെക്രട്ടറി എ ആർ സുനീഷ്, ജില്ല കമ്മിറ്റി അംഗം പി ടി ചേറു എന്നിവർ പ്രസംഗിച്ചു.