സ്കൂട്ടർ മോഷ്ടിച്ചയാൾ പിടിയിൽ

കുന്നംകുളം: കോട്ടയിൽ റോഡിൽ സ്ഥാപനത്തിനു മുൻപിൽ നിർത്തിയിട്ട സ്കൂട്ടർ മോഷ്ടിച്ചയാളെ കുന്നംകുളം പോലീസ് അറസ്റ്റ് ചെയ്തു. കേച്ചേരി എരനെല്ലൂർ സ്വദേശി മുളയംകുടത്ത് വീട്ടിൽ സുബിൻ(33)നെയാണ് കുന്നംകുളം സ്റ്റേഷൻ ഹൗസ് ഓഫീസർ യു കെ ഷാജഹാന്റെ നിർദ്ദേശപ്രകാരം സബ് ഇൻസ്പെക്ടർ മഹേഷിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തത്.പഴുന്നാന സ്വദേശി മടപ്പാട്ട് പറമ്പിൽ നഫീസത്തിന്റെ ഉടമസ്ഥതയിലുള്ള സ്കൂട്ടറാണ് മോഷണം പോയത്. ഇവരുടെ സ്റ്റാർ അലൂമിനിയം സ്ഥാപനത്തിന് മുൻപിലാണ് സ്കൂട്ടർ നിർത്തിയിട്ടിരുന്നത്. കഴിഞ്ഞ ബുധനാഴ്ച ഉച്ചയ്ക്ക് 2 മണിയോടെയാണ് സ്ഥാപനത്തിനു മുൻപിൽ നിർത്തിയിട്ട സ്കൂട്ടർ മോഷ്ടാവ് കവർന്നത്. ഉടമ സ്കൂട്ടർ എടുക്കാൻ എത്തിയപ്പോൾ കാണാത്തതിനെ തുടർന്ന് സിസിടിവി ക്യാമറ പരിശോധിച്ചപ്പോഴാണ് സ്കൂട്ടർ മോഷണം പോയ വിവരം അറിയുന്നത്. തുടർന്ന് കുന്നംകുളം പോലീസിൽ പരാതി നൽകുകയായിരുന്നു