പാറേമ്പാടത്ത് നിയന്ത്രണം വിട്ട ഇലക്ട്രിക് ഓട്ടോ ബൈക്കിലും സ്കൂട്ടറിലും ഇടിച്ച് മൂന്ന് പേർക്ക് പരുക്ക്

കുന്നംകുളം: പാറേമ്പാടം താഴത്തെ പെട്രോൾ പമ്പിന് സമീപം നിയന്ത്രണം വിട്ട ഇലക്ട്രിക് ഓട്ടോറിക്ഷ ബൈക്കിലും സ്കൂട്ടറിലും ഇടിച്ച് ഉണ്ടായ അപകടത്തിൽ 3 പേർക്ക് പരിക്കേറ്റു. സ്കൂട്ടർ യാത്രികൻ ചാവക്കാട് പുന്ന സ്വദേശി കളത്തിൽ വീട്ടിൽ ഫയാസ് (27), ബൈക്ക് യാത്രികരായ മന്നലാംകുന്ന് പള്ളത്ത് വീട്ടിൽ അലി (51) മന്നലാംകുന്ന് സ്വദേശി കറുപ്പം വീട്ടിൽ മൊയ്തീൻ (50)എന്നിവർക്കാണ് പരിക്കേറ്റത്.ഇന്ന് രാവിലെ 10.20 ഓടെയാണ് അപകടം നടന്നത്. പെരുമ്പിലാവ് ഭാഗത്തുനിന്നും കുന്നംകുളം ഭാഗത്തേക്ക് പോവുകയായിരുന്ന ഇലക്ട്രിക് ഓട്ടോറിക്ഷയുടെ പുറകിലത്തെ ടയർ റോഡ് സൈഡിലെ കാനക്ക് മുകളിൽ ഇട്ടിരുന്ന സ്ലാബിനു മുകളിൽ കയറി നിയന്ത്രണം വിട്ട് എതിർ ദിശയിൽ വരികയായിരുന്ന സ്കൂട്ടറിലും ബൈക്കിലും ഇടിക്കുകയായിരുന്നു. ഇടിയുടെ ആഘാതത്തിൽ റോഡിൽ തെറിച്ചുവീണ മൂന്നുപേർക്കും തലയ്ക്കാണ്പരിക്കേറ്റത്