ചാവക്കാട് നഗരത്തിൽ വൻ അഗ്നിബാധ. അസീസ് ഫൂട് വെയർ അടക്കം മൂന്ന് കടകൾ കത്തിനശിച്ചു.ഇന്ന് പുലർച്ചെയാണ് തീപിടുത്തം

ചാവക്കാട്:നഗരത്തിൽ വൻ തീപിടുത്തം.അസീസ് ഫൂട് വെയർ അടക്കം മൂന്ന് കടകൾ കത്തിനശിച്ചു.പുലർച്ചെ 1.30-നാണ് സംഭവം തീപിടുത്തകാരണം വ്യക്തമായിട്ടില്ല.നഗരമധ്യത്തിലെ പഴയ കെട്ടിടത്തിലാണ് അസീസ് ഫുട് വെയർ അടക്കം ടിപ്പ് ടോപ്പ്,ഫാൻസി,മറ്റൊരു ഡ്രസ് കട എന്നിവ പ്രവർത്തിക്കുന്നത്.ഈ മൂന്നു കടകളാണ് കത്തിയത്.ഗുരുവായൂർ, കുന്നംകുളം,തൃശൂർ എന്നിവടങ്ങളിൽ നിന്നായി  8 യൂണിറ്റ് ഫയർ ഫോഴ്സ് എത്തി.നാട്ടുകാരും മറ്റും തീ അണക്കാൻ രംഗത്തിറങ്ങി.കെട്ടിടത്തിൻ്റെ മുകൾ ഭാഗത്തും നാശനഷ്ടം സംഭവിച്ചിട്ടുണ്ട്.ലക്ഷകണക്കിന് രൂപയുടെ നാശനഷ്ടങ്ങൾ സംഭവിച്ചു.എൻ.കെ.അക്ബർ എംഎൽഎ സ്ഥലം സന്ദർശിച്ചു