അടിമാലി:പന്നിയാർക്കുട്ടിയിൽ നിയന്ത്രണം വിട്ട ജീപ്പ് കൊക്കയിലേക്ക് മറിഞ്ഞ് ദമ്പതികൾ ഉൾപ്പടെ മൂന്നുപേർക്ക് ദാരുണാന്ത്യം. വെള്ളിയാഴ്ച രാത്രി 10.30 നുണ്ടായ സംഭവത്തി ൽ ഇടയോടിയിൽ ബോസ്,ഭാര്യ റീന, ഡ്രൈവർ എബ്രഹാം എന്നിവരാണ് മരിച്ചത്.
ഒളിമ്പ്യൻ കെ.എം. ബീനമോളുടെ സഹോദരിയാണ് മരിച്ച റീന. പന്നിയാർ കുട്ടി പള്ളിക്ക് സമീപം എത്തിയപ്പോൾ നിയന്ത്രണം വിട്ട ജീപ്പ് നൂറടി താഴ്ചയിലേക്ക് മറിയുകയായിരുന്നു.അപകടം നടന്ന ഉടനെ മൂന്നു പേരെയും അടിമാലി താലൂക്ക് ആശുപത്രിയിൽഎത്തിച്ചെങ്കിലും ബോസിൻ്റെയും റീനയുടെയും ജീവൻ നഷ്ടമായിരുന്നു.ഗുരുതരമായി പരിക്കേറ്റ് ചികിത്സയിലിരിക്കെ ശനിയാഴ്ച പുലർച്ചെയാണ് എബ്രഹാം മരി ച്ചത്. അടിമാലി താലൂക്ക് ആശുപത്രിയിൽ സൂക്ഷിച്ചിരിക്കുന്ന മൃതദേഹം പോസ്റ്റ്മോർട്ടത്തിനുശേഷം ബന്ധുക്കൾക്ക് വിട്ടു നൽകും. നാട്ടുകാരും പൊലീസും ഫയർഫോഴ്സും ചേർന്നാണ് സംഭവസ്ഥലത്ത് രക്ഷാപ്രവർത്തനം നടത്തിയത്
അടിമാലിയിൽ നിയന്ത്രണം വിട്ട ജീപ്പ് കൊക്കയിലേക്ക് മറിഞ്ഞ് ദമ്പതികൾ ഉൾപ്പടെ മൂന്നുപേർക്ക് ദാരുണാന്ത്യം
