ചാവക്കാട്: ഗവ. റീജിയണല് ഫിഷറീസ് ടെക്നിക്കല് സ്ക്കൂളിന്റെ മുഖച്ഛായ മാറുന്നു. 2.63 കോടി രൂപയുടെ അപ്ഗ്രഡേഷന് പദ്ധതി നിര്മ്മാണ ഉദ്ഘാടനം ഫിഷറീസ് വകുപ്പ് മന്ത്രി സജി ചെറിയാന് ഉദ്ഘാടനം ചെയ്തു.എം.എല്.എ എന്.കെ അക്ബര് അദ്ധ്യക്ഷത വഹിച്ചു. തൃശൂര് ജില്ലയില് മത്സ്യതൊഴിലാളികളുടെ മക്കള്ക്ക് താമസിച്ച് പഠിക്കാന് സൗകര്യമുള്ള അപൂര്വ്വം റെഡിഡന്ഷ്യല് സ്ക്കൂളുകളില് ഒന്നാണ് ചാവക്കാട് ഗവ. റീജിയണല് ഫിഷറീസ് ടെക്നിക്കല് സ്ക്കൂള്.അപ്പ് ഗ്രഡേഷന്റെ ഭാഗമായി 1 കോടി രൂപക്ക് പുതിയ ക്ലാസ്സ് മുറികള് 1.2 കോടി രൂപക്ക് ഹോസ്റ്റല് ബില്ഡിംഗ് , മെസ് ഹാള്, ഓഫീസ് കെട്ടിടം, ലൈബ്രറി,ലാബ് തുടങ്ങിയവയുടെ നവീകരണം,40 ലക്ഷം രൂപക്ക് ചുറ്റുമതില്, ഇലക്ട്രിക്ക്, ഇലക്ട്രോണിക് പ്രവര്ത്തികള് എന്നിവയാണ് ഒന്നാംഘട്ട അപ്പ്ഗ്രഡേഷന് പ്രവര്ത്തിയില് ഉള്പ്പെട്ടിട്ടുള്ളത്.ഫിഷറീസ് ടെക്നിക്കല് സ്ക്കൂളിന്റെ നവീകരണ പ്രവര്ത്തികള് നടത്തുന്നതിന് എം.എല്.എ ഫിഷറീസ് വകുപ്പ് മന്ത്രിയോട് അഭ്യര്ത്ഥിച്ചതിനെ തുടര്ന്നാണ് പദ്ധതിക്ക് സര്ക്കാര് അനുമതി നല്കിയത്.ഉദ്ഘാടന പരിപാടിയില് ചാവക്കാട് നഗരസഭ ചെയര്പേഴ്സണ് എ.എച്ച് അക്ബര്, വൈസ്ചെയര്പേഴ്സണ് ബിന്സി സന്തോഷ്, സ്റ്റാന്റിംഗ് കമ്മിറ്റി ചെയര്മാന്മാരായ യതീന്ദ്രദാസ്, കെ.എച്ച് സലാം, ലിഷ മത്രംകോട്, കെ.പി രഞ്ജിത്ത് കുമാര് നഗരസഭ കൌണ്സിലര് ഷീജ പ്രശാന്ത്,സി.എ ഗോപ പ്രതാപന് ഫിഷറീസ് ഡെപ്യുട്ടി ഡയറക്ടര് ഡോ.സീമ സി, ഹെഡ്മിസ്ട്രസ്സ് ഷിജ,ജനപ്രതിനിധികള്, മത്സ്യതൊഴിലാളികള് തുടങ്ങിയവര് പങ്കെടുത്തു
ചാവക്കാട് ഗവ.ഫിഷറീസ് ടെക്നിക്കല് സ്ക്കൂളിൽ 2.63 കോടിയുടെ അപ്ഗ്രഡേഷന് പദ്ധതി
