ഗുരുവായൂർ: പ്രസിദ്ധമായ ഗുരുവായൂർ ഏകാദശിയോടനുബന്ധിച്ചുള്ള ചെമ്പൈ സംഗീതോത്സവത്തിന് തുടക്കമായി.
അടുത്ത പതിനാല് ദിനങ്ങൾ ഗുരുപവനപുരി സംഗീതസാന്ദ്രമാകും.
ക്ഷേത്രത്തിൽ നിന്നും കൊളുത്തിയ ദീപം ചെമ്പൈ സംഗീത മണ്ഡപത്തിലെത്തിച്ച് നിലവിളക്കിൽ ക്ഷേത്രം തന്ത്രി ബ്രഹ്മശ്രീ പി.സി.ദിനേശൻ നമ്പൂതിരിപ്പാട് തിരിതെളിയിച്ചതോടെയാണ് സംഗീതാർച്ചന തുടങ്ങിയത്. ദേവസ്വം ചെയർമാൻ ഡോ.വി.കെ.വിജയൻ, ഭരണ സമിതി അംഗം വി.ജി.രവീന്ദ്രൻ, അഡ്മിനിസ്ട്രേറ്റർ കെ.പി.വിനയൻ എന്നിവർ സന്നിഹിതരായി. നേരത്തെ
ചെമ്പൈ സ്വാമികൾ ഉപയോഗിച്ചിരുന്ന തംബുരു ദേവസ്വം അഡ്മിനിസ്ട്രേറ്റർ കെ.പി.വിനയൻ, ചെമ്പൈ സബ് കമ്മറ്റി അംഗങ്ങൾ എന്നിവർ തെക്കേ നടയിൽ വെച്ച് ഏറ്റുവാങ്ങി രാവിലെ തന്നെ മേൽപ്പത്തൂർ ഓഡിറ്റോറിയത്തിലെ ചെമ്പൈ സംഗീത മണ്ഡപത്തിൽ സ്ഥാപിച്ചിരുന്നു.
സംഗീതാർച്ചനയുടെ ആദ്യം ക്ഷേത്രം അടിയന്തിരക്കാർ മംഗളവാദ്യം അവതരിപ്പിച്ചു.
തുടർന്ന് 2023 വർഷത്തെ ശ്രീഗുരുവായുരപ്പൻ ചെമ്പൈ പുരസ്കാരം നേടിയ പദ്മഭൂഷൺ മധുരൈ ടി.എൻ.ശേഷഗോപാലൻ സംഗീത കച്ചേരി നടത്തി. കോഴിക്കോട് സ്വദേശി സുഗതകുമാരിയാണ് ആദ്യം സംഗീതാർച്ചന നടത്തിയത്
Related Posts
സംസ്ഥാനത്ത് ഇന്ന് മുതൽ മഴ കനക്കും: വിവിധ ജില്ലകളിൽ ഓറഞ്ച്, യെല്ലോ അലർട്ടുകൾ പ്രഖ്യാപിച്ച് കാലാവസ്ഥ വകുപ്പ്
തിരുവനന്തപുരം: സംസ്ഥാനത്ത് ഇന്ന് മുതൽ മഴ കനക്കും.വിവിധ ജില്ലകളിൽ ഓറഞ്ച്, യെല്ലോ അലർട്ടുകൾ പ്രഖ്യാപിച്ച് കേന്ദ്ര കാലാവസ്ഥ വകുപ്പ്. ഒറ്റപ്പെട്ടയിടങ്ങളിൽ അതിശക്തമായ മഴക്കുള്ള സാധ്യതയാണ് പ്രവചിച്ചിരിക്കുന്നത്. ഇന്ന് അഞ്ച് ജില്ലകളിൽ യെല്ലോ അലർട്ട് പ്രഖ്യാപിച്ചു. […]
നവകേരള സദസ്സ്’; ചാവക്കാടിൻ്റെ മനം കവർന്ന് മെഗാ തിരുവാതിര അരങ്ങേറി
ചാവക്കാട്:ഗുരുവായൂർ നിയോജകമണ്ഡലം നവകേരള സദസ്സിന്റെ പ്രചരണാർത്ഥം ചാവക്കാട് നഗരസഭയുടെ ആഭിമുഖ്യത്തിൽ കൂട്ടുങ്ങൽ ചത്വരത്തിൽ മെഗാ തിരുവാതിരയും കലാസന്ധ്യയും അരങ്ങേറി. നഗരസഭ അദ്ധ്യക്ഷ ഷീജ പ്രശാന്ത് ഭദ്രദീപം കൊളുത്തി മെഗാ തിരുവാതിര ഉദ്ഘാടനം ചെയ്തു.നഗരസഭ വൈസ് […]
നായരങ്ങാടിയിൽ സ്കൂട്ടർ നിയന്ത്രണം വിട്ട് മറിഞ്ഞ് രണ്ട് പേർക്ക് പരിക്ക്
വടക്കേകാട്:നായരങ്ങാടി പഞ്ചായത്തിന് സമീപം സ്കൂട്ടർ നിയന്ത്രണം വിട്ട് മറിഞ്ഞ് രണ്ട് പേർക്ക്. സ്കൂട്ടർ യാത്രക്കാരായ മാറഞ്ചേരി കടവുങ്ങൽ വീട്ടിൽ പ്രദീപ്(45),സബിത(35)എന്നിവർക്കാണ് പരുക്കേറ്റത്. ഇന്ന് പകൽ 11.50 ഓടെയാണ് അപകടം. രണ്ടു പേർക്കും കാലിനും, തലക്കും […]