മാഞ്ചിറക്കൽ ക്ഷേത്രത്തിൽ അയ്യപ്പൻ വിളക്ക് ചെവ്വാഴ്ച

പുന്നയൂർക്കുളം:ചമ്മന്നൂർ മാഞ്ചിറക്കൽ ഭഗവതി ക്ഷേത്രത്തിൽ അയ്യപ്പൻ വിളക്ക് ആഘോഷം ചൊവ്വാഴ്ച നടത്തുമെന്ന് ഭാരവാഹികൾ  പത്രസമ്മേളനത്തിൽ അറിയിച്ചു.ക്ഷേത്രം വിളക്ക് കമ്മിറ്റിയുടെആഭിമുഖ്യത്തിലാണ് അയ്യപ്പൻ വിളക്ക് നടത്തുന്നത്. വിളക്കിന് എരുമപ്പെട്ടി പഴവൂർ നവജ്യോതി വിളക്ക് യോഗത്തിന്റെ ഉടുക്ക് പാട്ടും താലപ്പൊലിയോടു കൂടിയ എഴുന്നള്ളിപ്പും ഉണ്ടാകും. കൊച്ചന്നൂർ കരിച്ചാൽ കടവ് അയ്യപ്പൻകാവിൽ നിന്ന് വൈകിട്ട് 7ന് വിളക്ക് എഴുന്നള്ളിപ്പ് ആരംഭിക്കും.വിളക്ക് ദിവസം ഉച്ചക്കും വൈകീട്ടും അന്നദാനവും തലേ ദിവസം രാത്രി ചമ്മന്നൂർ കൈലാസം പൂരാഘോഷ കമ്മറ്റിയുടെ നേതൃത്വത്തിൽ ഭജന,  അന്നദാനം എന്നിവയും ഉണ്ടാകും. ക്ഷേത്രം പ്രസിഡൻ്റ് ശിവദാസൻ പരുത്തിവളപ്പിൽ, വിളക്കാഘോഷ കമ്മിറ്റി പ്രസിഡൻ്റ് കെ എം അറുമുഖൻ,സെക്രട്ടറി വി എം രവികുമാർ പത്ര സമ്മേളനത്തിൽ പങ്കെടുത്തു