പ്രായപൂർത്തിയാകാത്ത പെൺകുട്ടിയെ പീഡിച്ച പ്രതിക്ക് 30 വർഷം കഠിന തടവും 3 ലക്ഷം രൂപ പിഴയും

ചാവക്കാട്:പ്രായപൂർത്തിയാകാത്ത പെൺകുട്ടിയെ പലതവണ ലൈംഗിക അതിക്രമം നടത്തിയ 29 കാരന് 30 വർഷം കഠിന തടവിനും 3 ലക്ഷം രൂപ പിഴ അടക്കുന്നതിനും ശിക്ഷ വിധിച്ചു ചാവക്കാട് അതിവേഗ പ്രത്യേകകോടതി.ചിറ്റഞ്ഞൂർ വിതുട്ടൂർ രവി മകൻ ശ്രീജിത്ത്(29)നെയാണ് ചാവക്കാട് അതിവേഗ പ്രത്യേക പോക്സോ കോടതി ജഡ്ജി അന്യാസ് തയ്യിൽ ശിക്ഷ വിധിച്ചത്.പിഴ അടക്കാത്ത പക്ഷം ഒരു വർഷം കൂടി തടവ് ശിക്ഷ അനുഭവിക്കണം.പിഴ സംഖ്യ അതിജീവിതയ്ക്ക് നൽകുവാനും കോടതി ഉത്തരവാദി.2015 സെപ്റ്റംബർ മാസത്തിലും പിന്നീട് പല ദിവസങ്ങളിലും അതിജീവിത താമസിക്കുന്ന വീട്ടിലെ കിടപ്പുമുറിയിൽ വെച്ച് പലതവണ ബലാത്സംഗം ചെയ്തു എന്നതാണ് പ്രോസിക്യൂഷൻ കേസ്.പ്രായമായ അച്ഛനല്ലാതെ അതിജീവിതയ്ക്ക് ഈ ഇക്കാര്യം പറയാൻ മറ്റാരും ഇല്ലാത്ത സാഹചര്യത്തിൽ അതിജീവിതയെ വിവാഹ ആലോചനയുമായി വന്ന ആളോട് അതിജീവിത സംഭവം കഴിഞ്ഞതിന് അഞ്ചു വർഷത്തിനുശേഷം വെളിപ്പെടുത്തിയതിന് തുടർന്ന് അയാളുടെ സഹായത്തോടെയാണ് കേസ് നൽകിയത്.കുന്നംകുളം പോലീസ് ഇൻസ്പെക്ടർ യു.കെ.ഷാജഹാൻ കേസ് രജിസ്റ്റർ ചെയ്തു അന്വേഷണം നടത്തി കുറ്റപത്രം സമർപ്പിച്ചു.പ്രോസിക്യൂഷൻ ഭാഗത്ത് നിന്നും 15 സാക്ഷികളെ വിസ്തരിക്കുകയും 15 രേഖകളും മുതലുകളും ഹാജരാക്കുകയും ചെയ്തു. പ്രോസിക്യൂഷന് വേണ്ടി സ്പെഷൽ പബ്ലിക് പ്രോസിക്യൂട്ടർ അഡ്വ.സിജു മുട്ടത്ത്,അഡ്വ.സി.നിഷ എന്നിവർ ഹാജരായി. സിപിഒമാരായ മനീഷ്,സിന്ധു,പ്രസീത എന്നിവർ പ്രോസിക്യൂഷനെ സഹായിച്ചു.