കത്തിക്കുത്ത് കേസിലെ പ്രതി കഞ്ചാവുമായി പിടിയിൽ

ചാവക്കാട്:മുൻവൈരാഗ്യത്തെ തുടർന്നുണ്ടായ തർക്കത്തെ തുടർന്ന് നടന്ന കത്തിക്കുത്തിലെ പ്രതിയും,നിരവധി ക്രിമിനൽ കേസുകളിൽപ്പെട്ടയാളുമായ ചാവക്കാട് എടക്കഴിയൂർ പഞ്ചവടി പുളിക്കൽ വീട്ടിൽ കമറു മകൻ നെജിലിനെ ചാവക്കാട് എസ്എച്ച്ഒ വിപിൻ കെ.വേണുഗോപാലിന്റെ നേതൃത്വത്തിൽ അറസ്റ്റ് ചെയ്തു.ഇയാളിൽ നിന്ന് 20.6 ഗ്രാം കഞ്ചാവും കണ്ടെടുത്തു.കഴിഞ്ഞ ഒക്ടോബർ 15ന് രാത്രിയോടെയാണ് കേസിനാസ്പദമായ സംഭവം നടന്നത്.പഞ്ചവടിക്കടുത്തുളള ഹോട്ടലിൽ ഭക്ഷണം കഴിക്കാനെത്തിയ അഖിലിനെയാണ് ഷാജിയും,നെജിലും കൂടി കത്തി കൊണ്ട് കുത്തിയത്.തുടർന്ന് ഒളിവിൽ പോയ പ്രതികളിലെരാളായ ഷാജിയെ പാലക്കാട് ഭാഗങ്ങളിൽ ഒളിവിൽ കഴിയുന്നതിനിടെ പോലീസ് മുൻപ് അറസ്റ്റ് ചെയ്തിരുന്നു.തമിഴ്നാട്ടിലും,ആന്ദ്രാപ്രദേശിലും ഒളിവിൽ കഴിയുകയായിരുന്ന നെജിൽ നാട്ടിൽ സുഹൃത്തിന്റെ വീട്ടിൽ എത്തിയെന്ന രഹസ്യവിവരം കിട്ടിയതിനെ തുടർന്ന് എസ്ഐയും,സംഘവും സ്ഥലത്തെത്തി പ്രതിയെ കസ്റ്റഡിയിൽ എടുക്കുകയായിരുന്നു. പ്രതിയിൽ നിന്ന് 20.6ഗ്രാം കഞ്ചാവും പോലീസ് കണ്ടെടുത്തു.നിരവധി കേസിലെ പ്രതിയായ തിരുവത്ര മേത്തി വീട്ടിൽ മുഹമ്മദ് മകൻ മുർഷാതിന്റെ കൂടെയാണ് നെജിൽ ഒളിവിൽ കഴിഞ്ഞിരുന്നത്.മുർഷാദിനെയും പോലീസ് കോടതിയിൽ ഹാജരാക്കി.കുന്നംകുളം കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. എസ്ഐ സെസിൽ കൃസ്ത്യൻ രാജ്,എഎസ്ഐ സജീവൻ,സിപിഒമാരായ ഇ.കെ.ഹംദ്,സന്ദീപ്,വിനോദ്,യൂനുസ്,ജോസ്,രതീഷ്,അനസ് എന്നിവരും അന്വേഷണ സംഘത്തിൽ ഉണ്ടായിരുന്നു.