കുന്നംകുളം:ജ്യൂസ് കുപ്പികളിലാക്കി അനധികൃത മദ്യ വില്പന നടത്തിയ സംഭവത്തിൽ സ്ത്രീ ഉൾപ്പെടെ രണ്ട് പേരെ കുന്നംകുളം റെയിഞ്ച് എക്സൈസ് സംഘം അറസ്റ്റ് ചെയ്തു. കടങ്ങോട് തെക്കുമുറി സ്വദേശികളായ വലിയ വളപ്പിൽ വിജയ(53),പനക്കൽ ജനാർദ്ദനൻ(51), എന്നിവരെയാണ് കുന്നംകുളം റേഞ്ച് എക്സൈസ് സംഘം അറസ്റ്റ് ചെയ്തത്. എക്സൈസ് കൺട്രോൾ റൂമിൽ ലഭിച്ച വിവരത്തിന്റെ അടിസ്ഥാനത്തിൽ കുന്നംകുളം റെയിഞ്ച് ഇൻസ്പെക്ടർ ടിഎ സജീഷ് കുമാറിന്റെ നിർദ്ദേശപ്രകാരം നടത്തിയ പരിശോധനയിലാണ് അനധികൃത മദ്യവുമായി ഇരുവരും പിടിയിലായത്. ചെറിയ ജ്യുസിന്റെ കുപ്പികളിലാക്കിയാണ് ആവശ്യക്കാർക്ക് പ്രതികൾ മദ്യം വില്പന നടത്തിയിരുന്നത്.. ക്രിസ്തുമസ് പുതുവത്സരാഘോഷങ്ങളുടെ ഭാഗമായി മേഖലയിൽ അനധികൃത മദ്യ വില്പന വ്യാപകമാണെന്ന വിവരത്തിന്റെ അടിസ്ഥാനത്തിൽ പരിശോധന ശക്തമാക്കിയതായി എക്സൈസ് സംഘം അറിയിച്ചു. മേഖലയിൽ വരും ദിവസങ്ങളിലും പരിശോധന ശക്തമാക്കുമെന്ന് എക്സൈസ് ഇൻസ്പെക്ടർ പറഞ്ഞു. പ്രിവന്റ് ഓഫീസർമാരായ ശിവശങ്കരൻ,എൻ ആർ രാജു,സുനിൽദാസ്, സിവിൽ എക്സൈസ് ഓഫീസർമാരായ ലത്തീഫ്, നിതീഷ്, വനിത എക്സൈസ് ഓഫീസർ നിവ്യ ജോർജ് എന്നിവരുടെ നേതൃത്വത്തിലുള്ള എക്സൈസ് സംഘമാണ് പ്രതികളെ പിടികൂടിയത്. വൈദ്യ പരിശോധനയ്ക്ക് ശേഷം പ്രതികളെ കോടതിയിൽ ഹാജരാക്കി.
Related Posts
തൃശൂർ പൂരം പ്രദർശനം: ഗുരുവായൂർ ദേവസ്വത്തിന്സ്പെഷ്യൽ പവലിയൻ അവാർഡ്
ഗുരുവായൂർ:തൃശൂർ പൂരം പ്രദർശനത്തിൽ സ്പെഷ്യൽ പവലിയനുള്ള അവാർഡും ഗോൾഡ് മെഡൽ സർട്ടിഫിക്കറ്റും ഗുരുവായൂർ ദേവസ്വത്തിന് ലഭിച്ചു. ദൈവികതയുടെ അടയാളമെന്ന് പുരസ്കാര നിർണയ സമിതി വിശേഷിപ്പിച്ച അവാർഡ് റവന്യൂ മന്ത്രി കെ.രാജനിൽ നിന്നും ഗുരുവായൂർ ദേവസ്വത്തിനു […]
ഗതാഗതം തടസ്സപ്പെടും
പുന്നയൂർക്കുളം:ആൽത്തറ-പനന്തറ റോഡിൽ ബി.സി ടാറിംഗ് പ്രവൃത്തി നടക്കുന്നതിനാൽ മെയ് 16,17 തിയ്യതികളിൽ ഇതുവഴിയുള ഗതാഗതം പൂർണ്ണമായി തടസ്സപ്പെടുന്നതാണെന്ന ്ചാവക്കാട് റോഡ്സ് ഉപവിഭാഗം അസി.എക്സി എഞ്ചിനീയർ അറിയിച്ചു
കേരളത്തിൻ്റെ വികസനംവേഗത്തിലാക്കാൻ ബിജെപി അധികാരത്തിൽ എത്തണം;അനൂപ് ആൻ്റണി
കുന്നംകുളം:കേരളത്തിലെ വികസനങ്ങളെല്ലാം നടക്കുന്നത് കേന്ദ്ര പദ്ധതികളിലൂടെയാണ്.ഇത് കൂടുതൽ വേഗത്തിലാക്കാൻ ബി ജെ പി സ്ഥാനാർത്ഥികളെ വിജയിപ്പിക്കണമെന്ന് ബിജെപി സംസ്ഥാന ജന. സെക്രട്ടറി അനൂപ് ആൻ്റണി.എൻ ഡി എ തൃശൂർ നോർത്ത് ജില്ല സ്ഥാനാർത്ഥി സംഗമംകുന്നംകുളത്ത് […]