നിങ്ങളുടെ സ്വന്തം അക്ഷരമലരുകൾ സാഹിത്യ കൂട്ടായ്മയുടെ വാർഷീകാഘോഷവും പുസ്തക പ്രകാശനവും

തൃശൂർ: നിങ്ങളുടെ സ്വന്തം അക്ഷര മലരുകള്‍ ഓണ്‍ലൈന്‍ സാഹിത്യ കൂട്ടായ്മയുടെ നാലാം വാര്‍ഷികാഘോഷവും അംഗങ്ങളുടെ പുസ്തക പ്രകാശനവും ആദരിക്കൽ ചടങ്ങും ചെമ്പൂക്കാവ് ബാലഭവനിൽ നടന്നു. കവിയും കേരള സാഹിത്യ അക്കാദമി പ്രസിഡന്റുമായ കെ സച്ചിദാനന്ദൻ ചടങ്ങ് ഉദ്ഘാടനം ചെയ്തു.കവിയും ഗാനരചയിതാവുമായ ഏങ്ങണ്ടിയൂര്‍ ചന്ദ്രശേഖരന്‍ പുസ്തകം ഏറ്റുവാങ്ങി. അലി പുന്നയൂരിൻ്റെ പ്രഥമ കവിതാ സമാഹാരം പരിച്ഛേദം പ്രകാശനവും തുടർന്ന് അലിയെ ആദരിക്കലും കൂട്ടായ്മയിലെ മികച്ച എഴുത്തുകാർക്കുള്ള ആദരവ് കൈമാറലും നടന്നു.നോവലിസ്റ്റ് ഹനീഫ കൊച്ചനൂർ പുസ്തകം ഏറ്റുവാങ്ങി. അലി പുന്നയൂര്‍ അധ്യക്ഷത വഹിച്ച ചടങ്ങിൽ കൂട്ടായ്മ അംഗങ്ങളായ അമിത്രജിത്ത് തൃശൂർ, രാജൻ മച്ചാട്, കമർബാനു വലിയകത്ത്, മെഹറുന്നിസ ബഷീർ, സി. കെ. ബി നായർ, അഷ്റഫലി തിരൂർക്കാടു് തുടങ്ങിയവർ ആശംസകളർപ്പിച്ച് സംസാരിച്ചു.പ്രഗിലേഷ് ശോഭ സ്വാഗതവും എം.യു ഗിരിജ നന്ദിയും പറഞ്ഞു.