ഭിന്നശേഷി വിഭാഗത്തിൽ മികച്ചഗ്രാമപഞ്ചായത്തിനുള്ള അവാർഡ് പുന്നയൂർക്കുളം ഏറ്റുവാങ്ങി

പുന്നയൂർക്കുളം:ഭിന്നശേഷി വിഭാഗത്തിൽ സംസ്ഥാന സർക്കാരിന്റെ 2023 വർഷത്തെ  മികച്ച ഗ്രാമപഞ്ചായത്തിനുള്ള അവാർഡ് പുന്നയൂർക്കുളം ഗ്രാമപഞ്ചായത്ത് ഏറ്റുവാങ്ങി.കോഴിക്കോട് നടന്ന ഉണർവ് 2023 ഭിന്നശേഷി സംസ്ഥാനതല അവർഡ് വിതരണ ചടങ്ങിൽ പൊതുമരാമത്ത് ടൂറിസം വകുപ്പ് മന്ത്രി പി എ മുഹമ്മദ് റിയാസിൽ നിന്നാണ് പഞ്ചായത്ത് പ്രസിഡന്റ് ജാസ്മിൻ ഷെഹീറും പഞ്ചായത്തംഗങ്ങളും ചേർന്ന് പുരസ്കാരം ഏറ്റുവാങ്ങിയത്. വൈസ് പ്രസിഡന്റ് ഇ കെ നിഷാർ, ക്ഷേമകാര്യ സ്റ്റാന്റിംഗ് കമ്മിറ്റി ചെയർമാൻ മൂസആലത്തയിൽ, വാർഡ് മെമ്പർമാരായ കെ എച്ച് ആബിദ് ,ബുഷറ നൗഷാദ് എന്നിവർ പങ്കെടുത്തു.ഭിന്നശേഷി മേഖലയിൽ മികവാർന്ന പ്രവർത്തനങ്ങൾ കാഴ്ചവെച്ചാണ് പഞ്ചായത്ത് പുരസ്കാരം കരസ്ഥമാക്കിയത്