കേച്ചേരിയിൽ കടകളിൽ വ്യാപക മോഷണം

കുന്നംകുളം:കേച്ചേരിയില്‍ വ്യാപക മോഷണം.വിവിധ ഷോപ്പിങ്ങ് കോംപ്ലക്‌സുകളിലെ 15 ലേറെ കടകളിലാണ് കഴിഞ്ഞ ദിവസം രാത്രിയില്‍ മോഷണ നടന്നത്. പ്രാദേശിക കേബിൾ നെറ്റ്വർക്ക് കേച്ചേരി ബ്യൂറോ ഓഫീസുകളായ ടുസ്റ്റാര്‍, ത്രി സ്റ്റാര്‍, ഓഫീസുകളിലും മോഷണ ശ്രമം നടന്നിട്ടുണ്ട്. പലയിടത്തും സ്ഥാപനങ്ങളുടെ പൂട്ട് തകര്‍ത്തിട്ടുണ്ടെങ്കിലും മോഷ്ടാവിന് അകത്ത് കയറുവാന്‍ സാധിച്ചിട്ടില്ല. ഗുരുവായൂര്‍ റോഡിലുള്ള അക്ഷയകേന്ദ്രം, സൂപ്പര്‍ മാര്‍ക്കറ്റ്, ടെക്സ്റ്റയില്‍ ഷോപ്പ് , ബുക്ക് സെന്റര്‍, സെപയര്‍പാര്‍ട്ട്സ് കട, എന്നിവയിലുള്‍പ്പെടെ മോഷണ ശ്രമം നടന്നിട്ടുണ്ട്. സ്‌പെയര്‍പാര്‍ട്ട്‌സ് കട കുത്തിതുറന്ന് മേശയലുണ്ടായിരുന്ന നാലായിരം രൂപ മോഷ്ടിക്കുകയും സിസിടിവി ക്യാമറ സംവിധനം തകര്‍ക്കുകയും ചെയ്തിട്ടുണ്ട്. ചുണ്ടലിൽ പെട്ടിക്കടയിലും മോഷണം നടന്നു. ചൂണ്ടൽ വീട്ടിൽ ശ്രീനിവാസൻ്റെ കടയിലാണ് കവർച്ച നടന്നത്.അഞ്ഞൂറ് രൂപയും ശീതളപാനിയങ്ങളും ബീഡി, സീഗരറ്റ് തുടങ്ങിയവയും മോഷ്ടിച്ചു.കുന്നംകുളം പോലീസ് സബ്ഇന്‍സ്‌പെക്ടര്‍ സി ഗിരീഷ്‌കുമാറിന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി പരിശോധന നടത്തി. ഒരു ഇടവേളക്കുശേഷമാണ് കേച്ചരിയിലെ സ്ഥാപനങ്ങളില്‍ വ്യാപക മോഷണം നടക്കുന്നത്.

Leave a Reply

Your email address will not be published. Required fields are marked *