പാവിട്ടക്കുളങ്ങര ശിവഭദ്ര ക്ഷേത്രത്തിൽ പൊങ്കാല-24 ന്

പുന്നയൂർക്കുളം:പുന്നയൂർ പാവിട്ടക്കുളങ്ങര ശിവഭദ്രക്ഷേത്രത്തിലെ പൊങ്കാല 24 നു നടക്കും. പുലര്‍ച്ചെ ഗണപതിഹോമത്തോടെ ചടങ്ങുകള്‍ ആരംഭിക്കും. രാവിലെ 7 നു ഉത്സവത്തിനു ക്ഷേത്രം ഊരാളന്‍ കുന്നത്ത് അപ്പു മൂസത് കൊടിയേറ്റും. 8 നു ക്ഷേത്രം മേല്‍ശാന്തി ശരത് നമ്പൂതിരി പൊങ്കാല അടുപ്പിലേക്ക് തീ പകരും. ആയിരത്തോളം പേര്‍ പൊങ്കാല സമര്‍പ്പിക്കാന്‍ എത്തുമെന്നാണ് കരുതുന്നത്. 9 നു പൊങ്കാല സമര്‍പ്പിക്കും. വൈകിട്ട് വേല എഴുന്നള്ളിപ്പ്, ദീപാരാധന, കളം പാട്ട്, താലം എഴുന്നള്ളിപ്പ്, കളം മായ്ക്കല്‍, പ്രസാദ വിതരണം എന്നിവ നടക്കും. കളം പാട്ടിനു കല്ലാട്ട് ഹരികുറുപ്പ് കാര്‍മികത്വം വഹിക്കും. 17 ദിവസം നീണ്ടു നില്‍ക്കുന്ന കളം പാട്ട് ഫെബ്രുവരി 9 നു താലപ്പൊലി ഉല്‍സവത്തോടെ സമാപിക്കുമെന്ന് മാതൃസമിതി പ്രസിഡന്റ് ഷീജ മോഹന്‍, വിവിധ കമ്മിറ്റി ഭാരവാഹികളായ സവിത, ശാന്ത ഹരിദാസന്‍, വസന്ത, ജയ ബാലകൃഷ്ണന്‍, രാധ അപ്പു, മോഹനന്‍ ഈച്ചിത്തറ, ബാബുരാജ്, രമേശന്‍ ചന്തിരത്തില്‍, മുകുന്ദന്‍ എളയച്ചാട്ടില്‍ എന്നിവര്‍ അറിയിച്ചു.