വേലൂര്‍ വെങ്ങിലശ്ശേരിയില്‍ ചികിത്സയിലായിരുന്ന വിദ്യാര്‍ത്ഥിനി മരിച്ചു

കുന്നംകുളം:വേലൂര്‍ വെങ്ങിലശ്ശേരിയില്‍ ഉയര്‍ന്ന രക്തസമ്മര്‍ദ്ദത്തെ തുടര്‍ന്ന് ചികിത്സയിലായിരുന്ന വിദ്യാര്‍ത്ഥിനി മരിച്ചു. നെല്ലിക്കല്‍ ബാബു ഷീന ദമ്പതികളുടെ മകള്‍ നന്ദന (18 ) യാണ് മരിച്ചത്. ജനുവരി 24 ന് ശക്തമായ തലവേദനയെ തുടര്‍ന്ന് തൃശൂര്‍ ദയ ആശുപത്രിയില്‍ പ്രവേശിപ്പിച്ചപ്പോള്‍ തലച്ചോറില്‍ ഞെരമ്പ് പൊട്ടിയ നിലയില്‍ കണ്ടെത്തിയിരുന്നു. തുടര്‍ന്ന് കോമയിലായ നന്ദനയെ മറ്റൊരു സ്വകാര്യ ആശുപത്രിയിലും തൃശൂര്‍ മെഡിക്കല്‍ കോളേജ് ആശുപത്രിയിലും ചികിത്സിപ്പിച്ചെങ്കിലും ഇന്ന് രാവിലെ മരിക്കുകയായിരുന്നു. സംസ്‌കാരം വൈകീട്ട് 2 മണിക്ക് ചെറുത്തിരുത്തിയില്‍ നടക്കും. നവ്യ യാണ് സഹോദരി.