അകലാട് മൂന്നയിനിയിൽ നിറുത്തിയിട്ടിരുന്ന ലോറിക്ക് പുറകിൽ സ്കൂട്ടർ ഇടിച്ച് ഹോട്ടൽ തൊഴിലാളി മരിച്ചു

പുന്നയൂർക്കുളം:അകലാട് മൂന്നയിനിയിൽ നിറുത്തിയിട്ടിരുന്ന ലോറിക്ക് പുറകിൽ സ്കൂട്ടർ ഇടിച്ച് ഹോട്ടൽ തൊഴിലാളി മരിച്ചു. അകലാട് അഞ്ചാംകല്ല് പെരുമ്പുള്ളി മുസ്തഫ (മുത്തു(49)ആണ് മരിച്ചത്. ഇന്ന് രാവിലെ ആറുമണിയോടുകൂടിയാണ് സംഭവം. അകലാട് താഹപള്ളി റോഡ് പരിസരത്ത് ദേശീയപാത 66 ൽ നിർത്തിയിട്ടിരുന്ന ലോറിക്ക് പുറകിലാണ് സ്കൂട്ടർ ഇടിച്ചത്. പൊന്നാനി ഭാഗത്തേക്ക് പോവുകയായിരുന്നു ലോറി റോഡരികിൽ നിർത്തി ഡ്രൈവറും സഹായിയും പുറത്തിറങ്ങിയ സമയത്ത് അകലാട് നിന്നും  ജോലിസ്ഥലമായ മന്നലാംകുന്നിലേക്ക്  സ്കൂട്ടറിൽ പോവുകയായിരുന്നു മുസ്തഫയുടെ സ്കൂട്ടർ ഇടിക്കുകയായിരുന്നു. വിന്നേഴ്സ്  ആംബുലൻസ് പ്രവർത്തകർ ചാവക്കാട് ഹയാത്ത് ആശുപത്രിയിൽ എത്തിച്ചെങ്കിലും മരണം സംഭവിച്ചു. ഭാര്യ:ഫൗസിയ. മുബഷിറ, തബ്‌ഷീറ, ഫിദ എന്നിവർ മക്കളാണ്.