ഗുരുവായൂരിനെ കുങ്കുമ ഹരിത വർണ്ണാഭ മാക്കി എൻ ഡി എ സ്ഥാനാർത്ഥി സുരേഷ് ഗോപിയുടെ റോഡ്ഷോ.പാർട്ടി പ്രവർത്തകരും അമ്മമാരും അടക്കം പതാകയേന്തി ആയിരകണക്കിന് പേർ റോഡ് ഷോയിൽ പങ്കെടുത്തു.വൈകിട്ട് 6 മണിയോടെ മമ്മിയൂരിൽ നിന്നാരംഭിച്ച റോഡ് ഷോ ഗുരുവായൂർ നഗരം ചുറ്റി കിഴക്കെ നടയിൽ സമാപിച്ചു. മണ്ഡലത്തിലെ പര്യടനത്തിൻ്റെ ഭാഗമായി ഇന്നലെ രാവിലെ വടക്കേക്കാട് കപ്ലിയങ്ങാട് ക്ഷേത്രം, പുന്നയൂർ പാവിട്ട കുളങ്ങര ക്ഷേത്രം, അകലാട് കോളനി, പെരിയമ്പലം കോളനി, പനന്തറ കോളനി,കെ.പി നമ്പൂതിരീസ് ഫാക്ടറി, കുണ്ടനി എന്നിവടങ്ങളിൽ സുരേഷ് ഗോപി സന്ദർശിച്ചു.തുടർന്നാണ് ഗുരുവായൂരിൽ റോഡ് ഷോക്ക് എത്തിയത്.ബി ജെ പി ജില്ലാ പ്രസിഡൻ്റ് കെ.കെ അനീഷ് കുമാർ,ഭാരവാഹികളായ കെ.ആർ അനീഷ്,ജസ്റ്റിൻ ജേക്കബ്, മണ്ഡലം പ്രസിഡൻ്റ് അനിൽ മഞ്ചറമ്പത്ത്, സുഭാഷ് മണ്ണാരത്ത് തുടങ്ങിയവരും സുരേഷ് ഗോപിക്കൊപ്പം ഉണ്ടായിരുന്നു