ഗുരുവായൂർ ക്ഷേത്ര ചുമർചിത്രങ്ങൾ സംരക്ഷിക്കും; പ്രവർത്തനങ്ങൾ ജനുവരി 20 ന് തുടങ്ങും,സെമിനാർ 21 ന്

ഗുരുവായൂർ: ക്ഷേത്ര ശ്രീകോവിലിലെ അമൂല്യങ്ങളായ  ചുമർചിത്രങ്ങൾ തനിമ നിലനിർത്തി നവീകരിച്ച് സംരക്ഷിക്കുന്ന  പ്രവർത്തനങ്ങൾക്ക് തിങ്കളാഴ്ച തുടക്കം കുറിക്കും.1989 ൽ ആരംഭിച്ച ഗുരുവായൂർ ദേവസ്വം ചുമർചിത്ര പഠനകേന്ദ്രത്തിലെ ആദ്യ ബാച്ചുമുതൽ പഠനം പൂർത്തിയാക്കിയ പൂർവ്വ വിദ്യാർത്ഥികളുടെ കൂട്ടായ്മയാണ് ഈ  പദ്ധതി ഏറ്റെടുത്ത് നടപ്പിലാക്കുന്നത്.ഇതോടനുബന്ധിച്ച് കേരളീയ  ചുമർചിത്രങ്ങളുടെ സംരക്ഷണലക്ഷ്യവുമായിഒരു ഏകദിന സെമിനാർ ജനുവരി 21 ന് രാവിലെ 9.30 ന് ക്ഷേത്രം കിഴക്കേ നട കൗസ്തുഭം റെസ്റ്റ് ഹൗസ് വളപ്പിലുള്ള  നാരായണീയം ഹാളിൽ നടത്തും. ലോകപ്രശസ്ത ആർട്ട് കൺസർവേറ്റർ ഡോ.എം.വേലായുധൻ നായർ ഉദ്ഘാടനം നിർവ്വഹിക്കും.
എം നളിൻ ബാബു (പ്രിൻസിപ്പൽ, ദേവസ്വം ചുമർചിത്ര പഠന കേന്ദ്രം) സ്വാഗതം ആശംസിക്കും.
ചടങ്ങിൽ ദേവസ്വം ചെയർമാൻ ഡോ. വി.കെ.വിജയൻ അധ്യക്ഷനാകും. ഡോ.കെ.യു.കൃഷ്ണകുമാർ ആമുഖ ഭാഷണം നടത്തും. ദേവസ്വം ഭരണസമിതി അംഗങ്ങളായ പി സി. ദിനേശൻ നമ്പൂതിരിപ്പാട്,മല്ലിശ്ശേരി പരമേശ്വരൻ നമ്പൂതിരിപ്പാട്, സി.മനോജ്,കെ.പി.വിശ്വനാഥൻ, മനോജ് ബി നായർ എന്നിവർ പങ്കെടുക്കും.സെമിനാർ ആരംഭം
ഡോ.എം. വി നായർ ആദ്യവിഷയാവതരണം നടത്തും.
കേരളീയ ചുമർചിത്രങ്ങളുടെ പ്രസക്തി,ശാസ്ത്രീയ സംരക്ഷണത്തിൻ്റെ ആവശ്യകത എന്നതാണ് വിഷയം.
തുടർന്ന് കേരള ചുമർചിത്രകല: ചരിത്രം, വർത്തമാനം .പ്രശസ്തി പുനരാലേഖനം എന്ന വിഷയത്തിൽ
കലാ ഗവേഷകനും
ഗുരുവായൂർ ദേവസ്വം ചുമർചിത്ര പഠനകേന്ദ്രം സ്ഥാപകാഗവും കോഴ്സ് കോർഡിനേറ്ററുമായ ഡോ.എം.ജി.ശശിഭൂഷൺ പ്രബന്ധം അവതരിപ്പിക്കും.
പുരാതന ചുവർ ചിത്രങ്ങളും ദാരുശിൽപങ്ങളും നേരിടുന്ന പ്രശ്നങ്ങൾ എന്ന വിഷയത്തിൽ
ചിത്രകാരനും കലാ ഗവേഷകനുമായ കെ.കെ.മാരാർ പ്രബന്ധം അവതരിപ്പിക്കും.
തുടർന്ന്  ഉച്ചയ്ക്ക് 2 മണിക്ക്
പൊതുചർച്ച – സംവാദം.
ഡോ.സാജു തുരുത്തിൽ
( ചുമർചിത്ര വിഭാഗം മേധാവി, ശങ്കര ചാര്യ സംസ്കൃത സർവ്വകലാശാല),
സുരേഷ് കെ നായർ
(അസി.പ്രെഫ, ചിത്രകലാ വിഭാഗം, ബനാറസ് സർവ്വകലാശാല,
കെ.ആർ.ബാബു
(ചിത്രകാരൻ),
പി.കെ.സദാനന്ദൻ
(ചിത്രകാരൻ )
സുരേഷ് മുതുകുളം
( ചുമർചിത്ര വിഭാഗം മുൻ മേധാവി,വാസ്തു വിദ്യാ ഗുരുകുലം,ആറന്മുള )
എന്നിവരും വിവിധ ബാച്ചുകളിലെ പൂർവ്വ വിദ്യാർത്ഥികളും പങ്കെടുക്കും.വൈകിട്ട് നാലരയ്ക്ക് സമാപന സമ്മേളനം,
സർട്ടിഫിക്കറ്റ് വിതരണം .
ദേവസ്വം അഡ്മിനിസ്ട്രേറ്റർ
കെ.പി.വിനയൻ സർട്ടിഫിക്കറ്റ് വിതരണം നിർവ്വഹിക്കും. സെമിനാറിൽ ദേവസ്വം വേദ-സംസ്കാരപഠനകേന്ദ്രം ഡയറക്ടർ ഡോ.പി.എൻ.നാരായണൻ നമ്പൂതിരി മോഡറേറ്ററാകും.