പുന്നൂക്കാവിൽ വീടിൻ്റെ ടെറസിന് മുകളിൽ തീപിടുത്തം

പുന്നയൂർക്കുളം:പുന്നൂക്കാവിൽ
വീടിൻ്റെ ടെറസിന് മുകളിൽ തീപിടുത്തം. വാട്ടർടാങ്കും എയർ കണ്ടീഷണറും  കത്തിനശിച്ചു. പുന്നൂക്കാവ് ഭഗവതി ക്ഷേത്രത്തിനു സമീപം കല്ലഴി മന ഉണ്ണികൃഷ്ണൻ നമ്പൂതിരിയുടെ വീടിനു മുകളിലാണ് തീപിടുത്തം ഉണ്ടായത്. ഇന്ന് ഉച്ചയ്ക്ക് ഒരു മണിയോടെയായിരുന്നു സംഭവം. ഉണ്ണികൃഷ്ണൻ നമ്പൂതിരി ഗുരുവായൂരിലേക്കു പോയിരിക്കുകയായിരുന്നു. ഈ സമയം ഉണ്ണികൃഷ്ണൻ നമ്പൂതിരിയുടെ മാതാവ് മാത്രമേ വീട്ടിലുണ്ടായിരുന്നുള്ളൂ.
വീടിനു മുകളിൽ സ്ഥാപിച്ചിരുന്ന വാട്ടർ ടാങ്കും എയർകണ്ടീഷണറും ആണ് കത്തിനശിച്ചത് .ടെറസിനു മുകളിൽ കൂട്ടിയിട്ടിരുന്ന വിറകും കത്തിയമർന്നിട്ടുണ്ട്.
സംഭവമറിഞ്ഞ് ഓടിക്കൂടിയ നാട്ടുകാർ തീയണച്ചു.തീപിടുത്തത്തിന്റെ കാരണം വ്യക്തമല്ല. വടക്കേക്കാട് പോലീസ് സ്ഥലത്തെത്തി.