നായരങ്ങാടിയിൽ വ്യാപാരിക്ക് മർദ്ദനം

വടക്കേക്കാട്:നായരങ്ങാടിയിൽ വ്യാപാരിയെ മർദ്ദിച്ചതായി പരാതി.നായരങ്ങാടി ജവാൻ സ്റ്റോഴ്സ് ഉടമ തലക്കോട്ടൂർ ടി.സി. ഡെന്നിയെ ആണ് മർദ്ദിച്ചത്. ഇയാൾ കുന്നംകുളം സർക്കാർ ആശുപത്രിയിൽ ചികിത്സ തേടി.ഇന്ന് വൈകിട്ട് 5ന് നായരങ്ങാടി സെന്ററിൽ വച്ചായിരുന്നു സംഭവം.ഡെന്നി വാടക കെട്ടിടത്തിലാണ് കട നടത്തുന്നത്.ഈ കെട്ടിടത്തിൻ്റെ ഉടമ തന്നെയാണ് തന്നെ മർദ്ദിച്ചതെന്ന്  ഡെന്നി പറയുന്നു. തൻ്റെ കടയിൽ നിന്ന് ടാർപോളിൻ ഷീറ്റും മറ്റ് സാധനങ്ങളും നഷ്‌ടപ്പെട്ടത് ചോദ്യം ചെയ്തതിനെ ചെല്ലിയുണ്ടായ തർക്കമാണ് മർദ്ദനത്തിൽ കലാശിച്ചത്. ഡെന്നിയുടെ കടയുടെ പിൻഭാഗം പൊളിച്ചിട്ട നിലയിലാണ്. സംഭവത്തിൽ വ്യാപാരി വ്യവസായി  നായരങ്ങാടി, വൈലത്തൂർ യൂണിറ്റ് പ്രതിഷേധ പ്രകടനം നടത്തി. .പ്രതിഷേധ പ്രകടനത്തിന് യൂണിറ്റ് പ്രസിഡൻ്റ് കെ.എം.ഉണ്ണികൃഷ്ണൻ, ടി.ജെ.റോയ്, വി.ആർ.ജിതേഷ്, സുനിൽ വൈലത്തൂർ തുടങ്ങിയവർ നേതൃത്വം നല്കി