ഞമനേങ്ങാട് – നായരങ്ങാടി റോഡ് പൊതുമരാമത്തിന് വിട്ടുകൊടുക്കണം സി പി എം

വടക്കേക്കാട്:വടക്കേക്കാട് പഞ്ചായത്തിലെ ഞമനേങ്ങാട് – നായരങ്ങാടി റോഡ് പൊതുമരാമത്ത് വകുപ്പിന് വിട്ടു നല്കണമെന്ന് സി പി എം ആവിശ്യപ്പെട്ടു.അഞ്ഞൂർ- ജൂതകുളം റേഡ് നിലവിൽ ഞമനേങ്ങാട് സെൻ്ററിൽ വന്നു നില്ക്കുകയാണ്.ഈ റോഡ്നായരങ്ങാടിയിലേക്ക് നീട്ടുകയാണെങ്കിൽ പ്രദേശത്തിൻ്റെ മുഖച്ചായ മാറ്റും.ഈ ആവിശ്യം ഉന്നയിച്ച് സി പി എം ബ്രാഞ്ച് കമ്മറ്റികളുടെ നേതൃത്വത്തിൽ വടക്കേക്കാട് പഞ്ചായത്ത് സെക്രട്ടറിക്ക് നിവേദനം നല്കി.നമ്പീശൻ പടിയിൽ നിന്നും ആരംഭിച്ച് ഞമനേങ്ങാട് സെന്റർ വരെ മാത്രമാണ് നിലവിൽ ഈ റോഡ് പൊതുമരാമത്ത് വകുപ്പിന് കീഴിലുള്ളത്.ഈ ഭാഗത്ത്  ബിഎംബിസി പണികൾ ആധുനികരീതിയിൽനടന്നുവരികയാണ്.എന്നാൽ തുടർന്നങ്ങോട്ടുള്ള ഭാഗം പഞ്ചായത്തിൻ്റെ ആസ്തിയിൽ ആയതിനാൽ പുതിയ റോഡ് നിർമ്മിക്കാൻ പൊതുമരാമത്തിന് കഴിയില്ലെന്ന് അധികൃതർ പറയുന്നു. ഞമനേങ്ങാട് സെൻ്ററിൽ നിന്ന് ഏകദേശം ഒരു കിലോമീറ്റർ ദൂരമുള്ള  ഈ റോഡ് നായരങ്ങാടിയിലേക്ക് ബന്ധിപ്പിച്ചാൽ അത് പ്രദേശത്തിൻ്റെ മുഖച്ഛായ മാറ്റുന്നതും നാട്ടുകാർക്ക് വളരെയേറെ പ്രയോജനപ്പെടുന്നതുമാണെന്നും ആയതിനാൽ നിലവിൽ പഞ്ചായത്ത് ആസ്ഥിയിലുള്ള ഈ റോഡ് പൊതുമരാമത്തിന് വിട്ടുകൊടുക്കാനുള്ള നിയമപരമായ നടപടികൾ സ്വീകരിക്കണമെന്നും ആവിശ്യപ്പെട്ടാണ് നിവേദനം നല്കിയത്.സിപിഎം ഞമനേങ്ങാട് ഈസ്റ്റ്, വെസ്റ്റ്, കരുവമ്പായി ബ്രാഞ്ച് കമ്മറ്റി ഭാരവാഹികളായ റ്റി.വി.ശ്യാം,വി.കെ.പ്രകാശൻ,എ.കെ.പുഷ്പാകരൻ എന്നിവർ ചേർന്നാണ് നിവേദനം നല്കിയത്