വധശ്രമക്കേസിൽ പിടികിട്ടാപ്പുള്ളിയെ വടക്കേക്കാട് പൊലീസ് അറസ്റ്റു ചെയ്തു

വടക്കേകാട്:വധശ്രമക്കേസിലെ പിടികിട്ടാപ്പുള്ളിയെ വടക്കേക്കാട് പൊലീസ് അറസ്റ്റു ചെയ്തു.തൊഴിയൂര്‍ കോട്ടരപ്പാട്ട് സുജീഷ് (37) നെയാണ് അറസ്റ്റ് ചെയ്തത്. 2014 ജൂലൈ 6 നു രാത്രി ഞമനേങ്ങാട് മൃഗാശുപത്രിക്കു സമീപം തയ്യില്‍ രാധാകൃഷ്ണന്‍, ഭാര്യ മല്ലിക, സഹോദരന്‍ പവനന്‍ എന്നിവരെ വീടുകയറി ആക്രമിച്ച കേസിലാണ് അറസ്റ്റ്.നാല് പ്രതികളുള്ള കേസില്‍ ഒന്നാം പ്രതി കാട്ടിശേരി ദേവദാസിനെ കോടതി ശിക്ഷിച്ചിരുന്നു.കേസില്‍ ഹാജരാകാത്തതിനെ തുടര്‍ന്ന് ഇയാളെ കോടതി പിടികിട്ടാപ്പുള്ളിയായി പ്രഖ്യാപിക്കുകയായിരുന്നു. വിദേശത്തായിരുന്ന സുജീഷ് നാട്ടിലെത്തുന്നുണ്ടെന്ന രഹസ്യ വിവരത്തെ തുടര്‍ന്ന് നെടുമ്പാശേരി എയര്‍പ്പോര്‍ട്ടില്‍ വച്ചാണ് എസ്‌ഐ പി.എ.സുധീര്‍, സിപിഒ മാരായ സാജന്‍, മിഥുന്‍, നിബു നെപ്പോളിയന്‍ എന്നിവരുടെ നേതൃത്വത്തില്‍ പിടിച്ചത്.