അഞ്ഞൂർ പാർക്കാടി പൂരം;സുവനീർ പ്രകാശനം ചെയ്തു

അഞ്ഞൂർ:ഈ മാസം 21ന് നടക്കുന്ന അഞ്ഞൂർ പാർക്കാടി ഭഗവതി ക്ഷേത്രത്തിലെ പൂര മഹോത്സവത്തിൻ്റെ വിശദ വിവരങ്ങൾ അടങ്ങിയ സുവനീർ പ്രകാശനം ക്ഷേത്രം ഊരാളൻ തോട്ടപ്പായ മന ശങ്കരൻ നമ്പൂതിരി നിർവഹിച്ചു. ക്ഷേത്രാങ്കണത്തിൽ വച്ച് നടന്ന ചടങ്ങിൽ തോട്ടപ്പായമന സജീഷ് നമ്പൂതിരി, ധനീഷ്, സജിത്ത്, ലാൽ, അഥിൻ, ബിനീഷ്, ആഘോഷ കമ്മിറ്റികളായ സരിഗ ചിറ്റഞ്ഞൂർ, സ്വദേശം നമ്പീശൻപടി, അഞ്ഞൂർക്കുന്ന്‌ തെക്കുഭാഗം, ചമയം ചത്രപതി, പഞ്ചമം, ത്രയംബക, തൊഴിയൂർ ദേശം പൂരാഘോഷ കമ്മിറ്റി, കമ്പിനിപ്പടി വെടിക്കെട്ട് കമ്മറ്റി എന്നിവയുടെ ഭാരവാഹികളും ഭക്തജനങ്ങളും പങ്കെടുത്തു. മകര ചൊവ്വ ദിവസം പൂരം കൊടികയറുന്നതോടുകൂടി ഉത്സവത്തിമിർപ്പിലാകും ദേശം.തുടർന്നുള്ള എല്ലാ ദിവസവും വിവിധ ആഘോഷ പരിപാടികളാണ് പൂര പ്രേമികൾക്കായി തട്ടകവാസികൾ ഒരുക്കിയിട്ടുള്ളത്