അനധികൃത മദ്യവില്പന;26 കുപ്പി മദ്യവുമായി യുവാവിനെ എക്സൈസ് സംഘം പിടികൂടി

ഗുരുവായൂർ:അനധികൃത മദ്യവിൽപ്പന നടത്തുന്നതിനായി എത്തിച്ച 26 കുപ്പി മദ്യവുമായി യുവാവിനെ ചാവക്കാട് എക്സൈസ് സംഘം പിടികൂടി..എളവള്ളി പാറ കേന്ദ്രീകരിച്ച് അനധികൃത മദ്യ വിൽപ്പന നടത്തി വന്നിരുന്ന എളവള്ളി സ്വദേശി തിണ്ടിയത്ത് വീട്ടിൽ ബിനീഷ് (45 )നെയാണ് ഇന്ന് രാത്രിയോടെ ചാവക്കാട് റെയ്ഞ്ച് എക്സൈസ് ഇൻസ്പെക്ടർ സി യു ഹരീഷും സംഘവും ചേർന്ന് പിടികൂടിയത്.അവധി ദിവസങ്ങളിലും അതിരാവിലെയും വൻ തോതിൽ മദ്യം വിൽപ്പന നടത്തിയിരുന്ന ഇയാൾ അവധി ദിവസങ്ങളിൽ ഇരട്ടി വിലയാണ് ഈടാക്കിയിരുന്നത് . ഇയാളിൽ നിന്നും വിൽപ്പനക്കായി സൂക്ഷിച്ച 26 കുപ്പി മദ്യം പിടിച്ചെടുത്തു. വർഷങ്ങളായി മദ്യവിൽപ്പന നടത്തി വന്നിരുന്ന ഇയാൾക്കെതിരെ മുൻപും അബ്‌കാരികേസുകളുണ്ടായിട്ടുണ്ട് .പരിശോധന സംഘത്തിൽ പ്രിവൻറീവ് ഓഫീസർ എ ബി സുനിൽകുമാർ , സിവിൽ എക്സൈസ് ഓഫീസർ കെ വി രാജേഷ്,എസ് ശ്യാം,പി വി അബ്ദുൾ റഫീഖ് എന്നിവരും ഉണ്ടായിരുന്നു.