ഗുരുവായൂർ:നാരായണീയദിനാഘോഷത്തിൻ്റെ ഭാഗമായി ഗുരുവായൂർ ദേവസ്വത്തിൻ്റെ ആഭിമുഖ്യത്തിൽ ദേശീയ സെമിനാർ നടത്തി. മേൽപുത്തൂർ നാരായണ ഭട്ടതിരിയുടെ കാവ്യലോകവും കവി നൽകിയ ആത്മ സന്ദേശവും പ്രബന്ധങ്ങളായി സഹൃദയർക്ക് മുന്നിൽ അവതരിപ്പിക്കപ്പെട്ടു.ദേവസ്വം ചെയർമാൻ ഡോ.വി.കെ.വിജയൻ സ്വാഗതം ആശംസിച്ച ചടങ്ങ് കോഴിക്കോട് സർവ്വകലാശാല സംസ്കൃത വകുപ്പ് മുൻ മേധാവി ഡോ.പി.നാരായണൻ നമ്പൂതിരി ഉദ്ഘാടനം ചെയ്തു..
വ്യാകരണ – മീമാംസാ ശാസ്ത്രങ്ങളിൽ അഗാധ പാണ്ഡിത്യം നേടിയ മേൽപ്പുത്തൂരിന്റെ കൃതികളും ദർശനവും ആഴത്തിൽ പഠിക്കേണ്ടതാണെന്ന് അദ്ദേഹം പറഞ്ഞു.
ശ്രീപാദ സപ്തതി എന്ന വിഷയത്തിൽ കാലടി ശ്രീശങ്കരാചാര്യ സംസ്കൃത സർവ്വകലാശാലയിലെ റിട്ട. പ്രൊഫസർ വി.ആർ. മുരളീധരൻ ആദ്യ പ്രബന്ധം അവതരിപ്പിച്ചു.
മേൽപ്പുത്തൂരിന്റെ കാവ്യഭാവനയും സൗന്ദര്യാനുഭൂതിയും ഭക്തിയുടെ പശ്ചാത്തലത്തിൽ വളരെ മനോഹരമായി ശ്രീപാദസപ്തതിയിൽ സമന്വയിച്ചിരിക്കുന്നതായി ഡോ.വി ആർ
മുരളീധരൻ അഭിപ്രായപ്പെട്ടു. തുടർന്ന് നാരായണീയത്തിലൂടെ കവി നൽകുന്ന ആത്മ സന്ദേശം എന്ന വിഷയം ഡോ.എൻ.കെ.സുന്ദരേശ്വരൻ അവതരിപ്പിച്ചു.
ലോകത്തിന്റെ മുഴുവൻ പീഡകൾ ഇല്ലാതാക്കുന്നതിനുള്ള പ്രാർത്ഥനകളാണ് മേൽപ്പുത്തുരിൽ നിന്ന് നാരായണീയത്തിന്റെ രൂപത്തിൽ സംഭവിച്ചതെന്ന് അദ്ദേഹം പറഞ്ഞു. ദേവസ്വം ചുമർചിത്ര പഠന കേന്ദ്രം ചിത്രശാലാ ഹാളിൽ നടന്ന സെമിനാറിൽ ഡോ: ലക്ഷ്മി ശങ്കർ മോഡറേറ്ററായി.
Related Posts
അന്തരിച്ചു
വെള്ളറക്കാട്: മനപ്പടി വിളക്കിത്തല ഉണ്ണികൃഷ്ണൻ നായർ (89) അന്തരിച്ചു. സംസ്കാരം നാളെ രാവിലെ 11 മണിക്ക് ചെറുതിരുത്തി പുണ്യതീരത്ത്. ഭാര്യ: ലക്ഷ്മിക്കുട്ടി അമ്മ
വൈലത്തൂര് സെന്റ് സിറിയക് പളളിയിൽ ദുഃഖ വെള്ളിയോടനുബന്ധിച്ച് പീഡാനുഭവ തിരുകര്മ്മങ്ങള് നടത്തി
പുന്നയൂര്ക്കുളം:വൈലത്തൂര് സെന്റ് സിറിയക് ദേവാലയത്തിൽ ദുഃഖ വെള്ളിയോടനുബന്ധിച്ച് പീഡാനുഭവ തിരുകര്മ്മങ്ങള് നടത്തി.വികാരി ഫാ. വർഗീസ് പാലത്തിങ്കൽ തിരുകര്മങ്ങള്ക്ക് കാര്മ്മികത്വം വഹിച്ചു.വൈകീട്ട് യേശുവിന്റെ പീഡാനുഭവത്തെ അനുസ്മരിച്ചു കുരിശുകള് പിടിച്ചു വിലാപയാത്ര നടത്തി.പള്ളിയില് നിന്നാരംഭിച്ച വിലാപയാത്ര മണികണ്ടേശ്വരം […]
ചിങ്ങ മഹോത്സവത്തിന് കൊടികയറി…
ഗുരുവായൂർ:ചിങ്ങ മഹോത്സവത്തിന് കൊടികയറി. ഗുരുപവനപുരി ഒന്നായി ഒരുമയോടെ ഗുരുവായൂർ ക്ഷേത്ര പാരമ്പര്യ നായർ കൂട്ടായ്മയുടെ നേതൃത്വത്തിൽ സമൂഹഹൈന്ദവ കൂട്ടായ്മയിൽമലയാള വർഷമാസാരംഭസുദിനമായ ചിങ്ങം ഒന്നിന് (ആഗസ്റ്റ് 17) നടത്തപ്പെടുന്ന ചിങ്ങ മഹോത്സവത്തിന് കൊടിയേറി. കിഴക്കെനടമജ്ഞുളാൽ പരിസരത്ത് […]