അഞ്ഞൂർ പാർക്കാടി പൂരം കൊടിയേറി

വടക്കേക്കാട്:പ്രസിദ്ധമായ അഞ്ഞൂർ പാർക്കാടി പൂരത്തിന്  കൊടിയേറി.രാവിലെ വിശേഷാൽ പൂജകൾക്ക് ശേഷം ക്ഷേത്രം മേൽശാന്തി തോട്ടപ്പായ മന ശങ്കരൻ നമ്പൂതിരി, ക്ഷേത്രം കോമരം രാജേഷ് കുട്ടൻഞ്ചേരി എന്നിവരുടെ കാർമ്മീകത്വത്തിലാണ് കൊടിയേറ്റം നടന്നത്.തുടർന്ന് പാർക്കാടി പാടത്ത് ഗ്രാമീണ സ്ത്രീകളുടെ കലം കരിക്കൽ ചടങ്ങ് നടന്നു.വൈകീട്ട് നിറമാല, ചുറ്റുവിളക്ക് എന്നിവ ഉണ്ടാകും. ഞായറാഴ്ചയാണ് പൂരം. ഇന്നു മുതൽ എല്ലാ ദിവസവും രാവിലെ വിശേഷാൽ പൂജകൾ, വൈകീട്ട് ചുറ്റുവിളക്ക്,വ്യാഴാഴ്ച വൈകീട്ട്  7 ന് നൃത്തസന്ധ്യ,വെള്ളിയാഴ്ച രാത്രി 7 ന് ഗാനമേള ശനിയാഴ്ച രാത്രി നാട്ടുത്താലം എന്നിവയുണ്ടാകും. ചടങ്ങുകൾക്ക് ഭാരവാഹികളായ ടി.ഡി ലാൽ, സജീഷ് തോട്ടപ്പായ മന, വിജയൻ അഞ്ഞൂർ,എം. എ അഥിൻ, ധനീഷ് ചേമ്പിൽ, ഷിബു എന്നിവർ നേതൃത്വം നല്കി.